FIANARANA BAIBOLY
Azonao atao ny manaraka Fianarana Baiboly maimaimpoana miaraka amin'ny Fiangonan'Andriamanitra Miray. Ny fampianarana dia atao ato amin'ny trano Androndrakely, Antananarivo, Madagasikara. Azoanao atao koa ny manaraka izany amin'ny internet. Tsindrio ity hahalalanao ny Fizotry ny Fianarana Baiboly.
Sekoly Sabata sy Fandalinam-pinoana
Misy koa ny fianarana Soratra Masina sy ny fandalinam-pinoana atao isan-tSabata izay hiarahana amin'ny mpitandrina sy ny loholon'ny fiangonana.Misy ny fianarana Soratra Masina ho an'ny ankizy sy ny tanora
Misy olona terem-panahy izay mampianatra an-tsitra-po ny foto-pinoana Kristiana ho an'ny ankizy sy ny tanora, ary atao amin'ny tontolo mahafinaritra ny fampianarana, sady hahafahan'ny mpianatra mifampiresaka tsara ami'ny mpampianatra izany, mba hahazoany tsara ny lesona rehetra. Azon'ny mpianatra arahina eto izany fampianarana izany.
Boky fianarana Soratra Masina sy handalinam-pinoana ho anao
Ny Fiangonana United Church of God, ny Philadelphia Church of God, ny Worldwide Church of God ary ny Tomorrow's World no manohana ny Fiangonan'Andriamanitra Miray amin'ny alalan'ny Lahatsoratra vokarin'izy ireo.
Jereo ato ny boky samihafa hianaranao Soratra Masina sy hitomboanao ara-panahy.
Raki-peo mirakitra ny fampianarana Soratra Masina sy ny toriteny
Raha tsy afaka manatrika mivantana ny fotoam-pivavahana ianao, dia afaka manatrika ihany satria azonao atao ny mihaino ny raki-peo ato amin'ny tranonkalanay. Ny fotoam-pivavahana isan-tSabata dia azonao jerena eto.
TONGAVA MIARA-MIVAVAKA AMINAY TOY NY FIANAKAVIANA IRAY
Ny ankabeazan'ny fiangonana dia manana kilasy manokana ho an'ny ankizy sy ny tanora, izahay kosa tsy mba manana kilasy manokana hanavahana azy ireny mandritry ny fotoam-panompoana an'Andriamanitra. Mampirisika ny ankohonana rehetra izahay hiara-mipetraka mandritry ny fotoam-pianarana Soratra Masina sy fanompoam-pivavahana rehetra. Misy ny efi-trano voatokana hikarakarana ny zazakely sy hampatoriana azy ireny. Aza misalasala manontany ny tompon'andraikitra akaiky anao..jpg)
Ny fiaraha-misakafo koa dia fomba iray hiaraha-mitombo amin'ny finoana sy hiaraha-mifaly isan-tSabata. Ny ankamaroan'ny mpikambana dia mifampizara sakafo atoandro aorian'ny fotoana maraina.
Maro koa ny fiangonana mikarakara fiaraha-misakafo lehibe, fiaraha-milalao harivariva ary koa fanatanjahan-tena isankarazany. Fianakaviana iray ny Fiangonana, noho izany ny ankohonana dia mitombo tsara rehefa manokana fotoana iarahana ny mpikambana ao anatiny.FOTO-PINOANA
Mino izahay fa manorina ny ankohonany Andriamanitra.
Iriny sy katsahany ny hahatonga ny olombelona rehetra ho fianakaviany —ianao koa anisan'izany— mba ho mpikambana ao amin'ny ankohonany isika rehetra.
Iriny sy katsahany ny hahatonga ny olombelona rehetra ho fianakaviany —ianao koa anisan'izany— mba ho mpikambana ao amin'ny ankohonany isika rehetra.
Vonona mandrakariva izahay hitandrina ny didin'Andriamanitra sy hiaina marina araka ny Soratra Masina sy hizara ny planin'ny famonjena amin'ny olona rehetra. Milofo fatratra izahay hizara ny fampianarana, foto-kevitra sy fomba fiaina nananan'ny fiangonana voalohany izay naorin'i Kristy Jesosy.
TANJON'NY FIANGONANA
Fototra efatra lehibe no iaingan'ny Fiangonan'Andriamanitra Miray:
1) Mitory ny filazantsaran'i Jeosy Kristy amin'ny olona rehetra hahafantarany ny planin'Andriamanitra;
2) Miantoka ny fisian'ny fiangonana sy mpitandrina tsara sitra-po vonona hanampy ny olona hitombo ara-panahy;
3) Manomana ny olona ho tonga fianakavian' Andriamanitra;
4) Manao asa fanompoana hiainana araka ny sitrapon' Andriamanitra
Jereo ato ny andinindinin'izany.
Asa fanompoana eo anivon'ny fiaraha-monina
Manohana ireo asa soa sy manao asa fiantrana ny fiangonana, manome fanampiana ireo mpikambana sahirana eo anivon'ny fiangonana ary manohana ireo olona sahirana sy mila vonjy eo amin'ny fiaraha-monina.
Tohano izahay. Manorata aminay raha vonona hanohana anay amin'ny fitoriana ny Filazantsaran'ny Fanjakan' Andriamanitra ianao. Ho an'i Jehovah anie ny saotra sy dera ary ny voninahitra sy fanjakana mandrakizay. Amin'ny anaran'i Jesosy. Amena! Haleloia!