Tahaka ny inona ny fanompoam-
pivavahan'ny fiangonana?
Misy anjatony maro ny Fiangonan' Andriamanitra Miray
manerana izao tontolo izao. Ny ankamaroan'izy ireny dia
manofa efitrano lehibe hanaovana fotoam-pivavahana, satria ny
laharam-pahamehana dia ny mitory ny Filazantsara amin'ny olona rehetra ary
manohana ny fiangonana amin'ny alalan'ny mpitandrina izay mandray tsara ny
mpino ao amin'ny fiangonana.
Ento ny Baibolinao ary miaraha mamaky ny Tenin'Andriamanitra aminay.
Mampirisika ny tsirairay hitondra Baiboly sy
hiara-mamaky izany mandritry ny fanompoam-pivavahana sy ny fotoana rehetra. Ny
Baiboly tena fampiasan'ny mpitandrina hanomanana ny toriteny sy ny fampianarana
Soratra Masina eto amin'ny fiangonana dia ny Baiboly Protestanta
(ny Baiboly New King James Version raha amin'ny fiteny Anglisy ny
fivavahana, ary ny Baiboly Louis Second raha amin'ny fiteny Frantsay), nefa
izany dia tsy manakana ny fampiasana ny Baiboly voadika hafa rehetra rehefa
ilaina izany.
Atomboka sy faranana amin'ny vavaka ny fotoam-pivavahana.
Mikatsaka lalandava ny fanatrehana sy fitarihan'ny Fanahy Masin'
Andriamanitra amin'izay ataontsika rehetra isika—ary indrindra amin'ny
fanompoana Azy! Tarihina hivavaka amin' Andriamanitra ny fiangonana, ary mangataka
ny fitarihan'ny Fanahin'Andriamanitra sy ny toro-làlana amin'ny
fanompoana an'Andriamanitra sy ny asa fanompoana rehetra koa.
Midera an'
Andriamanitra amin'ny zava-maneno sy ny hira ary ny dihy.
Mandritry ny fotoam-pivavahana dia mihira fiderana Kristiana
miaraka amin'ny zava-maneno sy ny dihy ny fiangonana.
Noho izany, ny mpitendry zava-maneno sy ny mpihira
fiderana ao amin'ny fiangonana dia manome voninahitra an'Andriamanitra amin'ny
feo sy zava-maneno tsara sy voafantina mandritry ny fotoam-pivavahana.
Mifandray mivantana amin'izay voalazan'ny Baiboly ny toriteny atao.
Misy hafatra roa (2) hatrany hatrany avy
amin'ny Baiboly isaky ny fotoam-pivavahana rehetra, izay manoro ny mpino hiaina
araka ny fomban'Andriamanitra.
Ny toriteny lava dia atao ny maraina ary
maharitra ora iray eo ho eo; misy koa ny toriteny fohy izay maharitra
15 minitra aorian'ny Sekoly Sabata rehefa tolakandro. Indraindray, raha
toa ka tsy maintsy misy dia halehan'ny mpitandrina, dia raki-peo misy ny
toriteny na raki-tsarimihetsika misy ny toriteny no homena ny fiangonana
handraisany ny hafatra rehetra.