Tanjona
Ao
amin'ny Baiboly, ny teny hoe “Fiangonana” dia tsy manambara ilay trano
fiangonana, na ny mpitarika na ilay olona namorona ny fikambanana, fa milaza kosa fikambanan'olona maromaro.
Ny
Fiangonana dia ny vahoaka—fikambanan'ny mpino. Isika no fiangonana,
vonona hianatra sy hanatanteraka ny sitrapon' Andriamanitra.
Tsy
mitovy avokoa ny isan'ny mpikambana ao amin'ny fiangonana iray, mety
ho ampolony ny mivavaka ao, mety ho an'arivony koa aza. Samy hafa
fihaviana ny mpivavaka ao, nefa manana fomba fijery sy tanjona iray. Samy manana ny tanjony ny fiangonana tsirairay; fa ny an'ny " Fiangonan'Andriamanitra Miray " dia ny:
- mitory ny Filazantsaran'i Kristy, sy ny
- manomana olona ho amin'ny Fanjakan' Andriamanitra.
Ny
fianarana Soratra Masina sy ny fanompoana an' Andriamanitra
isan-tSabata ataontsika eto amin'ny Fiangonan' Andriamanitra Miray dia mifototra amin'izay voalazan'ny Baiboly, ary mifototra avy hatrany amin'ny Tenin'Andriamanitra ny fampianarana rehetra.
Na
kely na lehibe ny fiangonana misy anao ao amin'ny faritra misy anao,
dia misy mpitandrina sy mpanompon' Andriamanitra vonona hikarakara sy
handray tsara anao ao, hampianatra anao ny Soratra Masina ary hanome toro-hevitra mahasoa anao mba hahafahantsika miara-mitombo amin'ny fahalalana ny Soratra Masina.
Iza ilay Jehovah Andriamanitra inoan'ny Fiangonan' Andriamanitra Miray?
Jehovah Andriamanitra dia Fanahy, ary izay mivavaka Aminy dia mivavaka amin'ny Fanahy sy Fahamarinana
Mpahary ny lanitra sy ny tany sy izay rehetra ao aminy
Andriamanitry ny andriamanitra rehetra, Tompon'ny tompo sy Mpanjakan'ny mpanjaka
Mahafantatra ny miafina nefa tsy fantarina
Izy Ilay tsy miova omaly, anio, ary mandrakizay
Velona mandrakizay ary naniraka ny Zanany Lahitokana hitady sy hamonjy ny very
Jehovah no Andriamanitra Tsitoha sady Fitiavana izay miantso sy mifidy anao ho mpikambana ao amin'ny fianakavian' Andriamanitra mandrakizay.
Iza ilay Jesosy Kristy inoan'ny Fiangonan' Andriamanitra Miray?
Mpita-marika teo anilan'ny Ray Izy tamin'ny nanorenana izao tontolo izao
Izy no endrik' Andriamanitra tsy hita, ny Lahimatoa talohan'izao zavatra ary rehetra izao
Ilay Tenin' Andriamanitra tonga nofo, ka nahariana izao rehetra izao, ary niara-nonina tamintsika ho modelin'ny fitondrantena araka ny sitrapon'Andriamanitra
- Ny fampijaliana nahazoantsika fihavanana no namelezana Azy.
- Voalefona Izy noho ny fahadisoantsika.
- Nitondra ny aretintsika tokoa Izy ary ny dian-kapoka taminy no nahasitranana antsika.
- Ny fahafatesan'i Jesosy no nividianana ny fahotantsika.
- Maty tamin'ny antsasaky ny herinandro Izy,
nilevina telo andro sy telo alina tao an-kibon'ny tany, nitsangana
tamin'ny maty tamin'ny andro fahatelo, ary niakatra ho any an-danitra.
- Ny fitsanganany no antoka hahazoan'izay mino Azy ny
fiainana mandrakizay.
- Mipetraka eo ankavanan' Andriamanitra Ray Tsitoha, ary Mpisoronabe any amin'ilay Tabernakely any an-danitra.
Tonga Izy mba hanambara ny Ray. Ny fahalalana an'i Jesosy no hanamarinany ny olona maro, ary Izy no hivesatra ny helok'ireo.
Fanahy Masina
Rehefa mifandray amin'Andriamanitra ny olony, dia mandray ny Fanahy Masina, ary izany no tombokase hamantarany ny olony.
Jehovah Andriamanitra dia Fanahy, ary izay mivavaka Aminy dia mivavaka amin'ny Fanahy sy Fahamarinana
Mianatra Soratra Masina ary mino ny Tenin' Andriamanitra rehetra
Mino
izahay fa ny Teny rehetra voalazan'ny Baiboly dia hafatra feno avy
amin'i Jehovah Andriamanitra ho an'ny olombelona rehetra. Ny Soratra
Masina rehetra—izany hoe ny Testamenta Taloha sy ny Testamenta
Vaovao—dia manan-danja lehibe avokoa (2 Timoty 3:16), ary velona ny
Tenin' Andriamanitra sady manan-kery sy fahefana ho an'ny Kristiana
rehetra izany.
Toerana misy ny Fiangonana
Misy
anjatony maro ny Fiangonan'Andriamanitra Miray eran'izao tontolo izao
ary mitandrina ny andro Sabata (mivavaka Sabotsy). Tadiavo ny Fiangonana
akaiky anao ary manatona ny mpitandrina miandraikitra ao.
Mitadiava fiangonana akaiky anao